Skóli um helgina, já það er ekki beint sniðugt, en maður fær viku frí í staðin sem hefst einmitt á morgun, Merkilegt hvað sumar þjóðir eru duglegar við að gefa fólki frí, Malasía; flestir frídagar í heimi! Kína: viku frí fyrir þjóðhátíðardaginn sem er á miðvikudaginn, Ísland: frí á deginum sjálfum.

Ég skelti mér í verslunarferð í dag, sem væri svo sem ekkert merkilegt nema það að ég gekk inn í fataverslun, sem hvítur hávaxinn karlmaður fær maður töluverða athygli og er ég nokkuð vanur en það sem ég lenti í áðan var svakaleg. Sölufólkið er alveg einstaklega hjálpsamt hérna, eiginlega allt of enda eru flestar búðir of mannaðar og þau eiga að labba með þér og hjálpa þér að velja, en já eg labba semsagt inn í fatabúð, um leið og ég stíg inn stekkur ein stelpa á mig, byrjar að sína mér allt, spyr reynadar fyrst hvort ég tala kínversku ég segist geta talað smá, svo næ ég að slíta mig aðeins frá henni og skoða smá sjálfur, þá stekkur næsta á mig, heyri ég ekki í hinni "hey hann var minn!" svo allt í einu er ég inní mátunarklefanum með fimm stelpur fyrir utan klefan minn að rétta mér hverja flýkina á fætur annari, ég að labba fram og sýna þeim, þær að hjálpa mér í og úr fötunum, spjallandi við mig á kínversku og kommenta á mig "vá hvað þú ert með flott göt (neflokkurinn og eyrun)" fá að máta armböndin mín og já alveg að sýna mér einum of mikla athygli, ég hló bara að þessu og var samt nokkuð skömmustulegur enda frekar óþægilegt að hafa svona mikla athygli á mér. Það er kostur að maður getur hlerar hvað þau eru að segja, skilur eitt og eitt, "shei" er "myndarlegur" notað um stráka, gaman að heyra það á meðan maður er að inní klefanum að skipta yfir í næstu flýk fyrir þær.

Svo er það Putuoshan á morgun, Búddista eyja sem á að vera svakalega falleg, þar munum við slaka á á ströndinni og já skoða nokkur musteri og hafa það gaman. Shanghai djamm þar næstu helgi og já hver veit.

Kemur meira næst, var með alveg helling til að segja frá en er eitthvað svaklega blank í augnablikinu, muna að punkta þetta hjá mér yfir vikuna.